19 listapada ŭ Hrodnie — sustreča ź fiłosafam Uładzimiram Mackievičam
Etnakrama «Cudoŭnia» (vuł. V. Trajeckaja, 14). Pačatak a 17:00.
Latučy ŭniviersitet, Mižnarodny kansorcyum «JeŭraBiełaruś» i etnakrama «Cudoŭnia» zaprašajuć na sustreču ź fiłosafam i mietadołaham Uładzimiram Mackievičam, padčas jakoj buduć prezientavanyja vydavieckija prajekty Hodu biełaruskaha myśleńnia — Antałohija «Kod prysutnaści», zbornik «Cytuj svajo», a taksama niekatoryja raniejšyja vydańni. Impreza adbudziecca ŭ miežach adkdryćcia knižnaj łaŭki ŭ etna-kramie «Cudoŭnia» (vuł. V. Trajeckaja, 14), pačatak a 17.00.
Ad nievialičkich cytataŭ biełaruskich myślaroŭ, mastakoŭ, kulturnych i hramadskich dziejačoŭ da hruntoŭnych tekstaŭ samych roznych žanraŭ i stylaŭ, što adlustroŭvajuć intelektualny pošuk biełarusaŭ za apošnija 15 hod, — u subotu 19 listapada razam ź fiłosafam i mietadołaham Uładzimiram Mackievičam haradziency buduć znajomicca z adnymi z samych cikavych intelektualnych vydavieckich prajektaŭ 2016 hodu i razvažać pra sučasnaje biełaruskaje myśleńnie, jaho styl i admietnaść, hierojaŭ i znakavyja padziei, asnoŭnyja temy i prablemnyja pytańni. Razam z Antałohijaj biełaruskaha myśleńnia «Kod prysutnaści» i zbornikam «Cytuj svajo» na adkryćci knižnaj łaŭki ŭ etna-kramie «Cudoŭnia» buduć pradstaŭlenyja i raniejšyja knihi - jak ŭłasna aŭtarskija vydańni, tak i plon supolnaj daśledčyckaj pracy razam z kalehami z Ahiencyi humanitarnych technałohij.
Zaprašajem usich zacikaŭlenych dałučycca da padziei!
Uvaha! Usie prezientavanyja vydańni ŭ hety dzień možna budzie nabyć u kramie pa śpiecyjalnym košcie, a taksama atrymać aŭtohraf Uładzimira Mackieviča.
Aŭtary samych cikavych pytańniaŭ atrymajuć ad fiłosafa ŭ padarunak zbornik «Cytuj svajo».