U 18 z 33 žycharoŭ Baranavickaha rajona, zachvarełych paśla spažyvańnia miasa dzika, dyjahnastavali trychinieloz
Dyjahnaz «trychinieloz» ustanoŭleny 18 pacyjentam infiekcyjnaha adździaleńnia Baranavickaj haradskoj balnicy, paviedamiła hałoŭny sanitarny doktar Bresckaj vobłaści Alena Iljašava. Pra heta piša BiełaPAN.
«Pa astatnich vypadkach daśledavańni jašče pravodziacca, — skazała Iljašava. — U balnicy znachodziacca 15 čałaviek, ź ich dvoje dziaciej. Stan hetych pacyjentaŭ zdavalniajučy, i najbližejšym časam jany buduć vypisanyja».
Ad 26 kastryčnika ŭ infiekcyjnaje adździaleńnie Baranavickaj haradskoj balnicy ź simptomami trychinielozu byli špitalizavanyja 33 čałavieki, žychary Baranavič i Baranavickaha rajona. Siarod ich šaściora dziaciej ad 2 da 15 hadoŭ.
Epidemijałahičnaje rasśledavańnie pryčyn uźniknieńnia hrupavoha zachvorvańnia ŭstanaviła, što hetyja ludzi ŭ kastryčniku jeli pryhatavanyja ŭ chatnich umovach syravendžanuju kaŭbasu ź miasa dzika, a taksama katlety i hałubcy z hetym miasam. Žyviolina była zabitaja ŭ vieraśni niekalkimi žycharami Baranavickaha rajona i razabranaja biez sanitarna-vieterynarnaj ekśpiertyzy miasa.