18 listapada — prezientacyja knihi «Katyń, 1940 hod. Historyja adnaho złačynstva»
18 listapada a 19-j hadzinie ŭ Halerei TUT.BY adbudziecca prezientacyja biełaruskaha pierakładu knihi Tomasa Urbana «Katyń, 1940 hod. Historyja adnaho złačynstva».
Aprača aŭtara Tomasa Urbana, u dyskusii prymuć udzieł historyk Siarhiej Novikaŭ i žurnalist Andžej Pačobut. Maderatar — palityčny kamientatar i publicyst Valer Bułhakaŭ.
Katynskaja trahiedyja pazbaviła žyćcia tysiačy polskich aficeraŭ i pradstaŭnikoŭ intelihiencyi. U toj čas jak ich siemji marna šukali ślady zahinułych, Saviecki Sajuz i nacysckaja Hiermanija pačali prapahandysckuju vajnu, abvinavačvajučy adzin druhoha. Tomas Urban rekanstrujuje padziei Katynskaha złačynstva i sproby schavać jaho ślady, a taksama raspaviadaje historyju paślavajennych i sučasnych miždziaržaŭnych dačynieńniaŭ, u jakich Katyń pa-raniejšamu adyhryvaje vialikuju rolu.
Tomas Urban naradziŭsia ŭ 1954 h. ŭ Lejpcyhu. U kancy 1955 h. siamja ŭciakła z HDR u Zachodniuju Hiermaniju. Skončyŭ Kiolnski ŭniviersitet, dzie vyvučaŭ ramanistyku, słavistyku dy historyju Uschodniaj Jeŭropy. U Kiolnie byŭ supracoŭnikam vysłanaha z SSSR dysidenta Lva Kopieleva. U 1981-82 hh. byŭ aśpirantam MHU im. Łamanosava, ale byŭ vysłany za suviaź z dysidentami. Pracavaŭ karespandentam dla «Asašyejted Pres» i hiermanskaha infarmacyjnaha ahienctva DPA, z 1988 h. — dla haziety «Ziuddojče cajtunh» (1988—1992 u Varšavie, 1992—1997 u Maskvie, potym u Kijevie i znoŭ u Varšavie, z 2012 kiruje karespandenckim biuro ŭ Madrydzie).
Pierakład na biełaruskuju: Siarhiej Paŭłavicki.
Papiarovaje vydańnie možna zamović na sajcie https://arche.by/
(sposaby dastaŭki: samavyvyaz, dastaŭka kurjeram (Miensk i vakolicy), dastaŭka poštaj pa Biełarusi)
Elektronnaje vydańnie knihi možna zamović na sajcie https://arche.by/
(dastupny farmat pdf).
Daviedki praz teł.+375 29 5507969.