Pamior Maryu Saareš — baćka sučasnaj demakratyčnaj Partuhalii
U subotu va ŭzroście 92 hadoŭ pamior były prezident Partuhalii Maryu Saareš.
Saareš byŭ zasnavalnikam Sacyjalistyčnaj partyi Partuhalii i mnohija dziesiacihodździ zastavaŭsia adnym z samych upłyvovych palitykaŭ svajoj krainy.
Jaho nazyvali baćkam sučasnaj demakratyčnaj Partuhalii.
U roznyja hady paśla źviaržeńnia dyktatury Sałazara ŭ krasaviku 1974 hoda jon zajmaŭ pasady ministra zamiežnych spraŭ, premjer-ministra i prezidenta, a taksama deputata Jeŭraparłamienta.
Dziakujučy jaho dypłamatyčnym namahańniam na pasadzie premjer-ministra Partuhalija stała členam Adzinaj ekanamičnaj supolnaści (JEES), paśla pieratvoranaj u Jeŭrasajuz.
Reuters.com
Saareš byŭ pryznanym arataram, charyzmatyčnym lidaram, jaki karystaŭsia luboŭju publiki za svoj žyvy noraŭ, daścipnaść i čałaviečaje abajańnie.
Sam pra siabie jon kazaŭ, što ruchajecca «vielizarnaj prahaj žyćcia i kałasalnaj dapytlivaściu».
«Ja biedny čałaviek, jaki mieŭ ščaście stać na abaronu pryncypaŭ i mieć racyju», - skazaŭ jon u intervju ŭ lutym 2015 hoda.