Navukoŭcy vyraścili bulbu ŭ «marsijanskim» hruncie VIDEA
Padziei fantastyčnaj knihi «Marsijanin», dzie hałoŭny hieroj zmoh vyraścić bulbu na Čyrvonaj płaniecie, stali realnaściu. Navukoŭcam ź Mižnarodnaha centra pa bulbie ź Pieru ŭdałosia atrymać parastak bulby va ŭmovach, jakija imitujuć marsijanskija, paviedamlajuć infarmahienctvy.
Śpiecyjalisty źmiaścili karniapłod ŭ śpiecyjalny kantejnier. U im stvaryli cisk pavietra, a taksama suadnosiny kisłarodu i vuhlakisłaha hazu, jak na Marsie. Vynik pierasiahnuŭ usie čakańni: nieŭzabavie kamiera zafiksavała, jak źjavilisia pieršyja parastki bulby ŭ kantejniery.
Navukoŭcy adznačyli, što kali ŭradžaj moža pieranosić ekstremalnyja ŭmovy ŭ kantejniery, to ŭ jaho buduć dobryja šancy vyraści i na Marsie.
Dalej budzie praviedzieny šerah ekśpierymientaŭ, kab zrazumieć, jakija hatunki bulby padychodziać dla ŭmoŭ Marsa lepš za ŭsio.