18 krasavika — vystava Aniempadystava «Koler Biełarusi» adkryvajecca ŭ Viciebsku
Tvorčy centr VZAP (vuł. Kastryčnickaja, 2). 17:00.
Mastak i dyzajnier Michał Aniempadystaŭ pradstavić svaju vystavu «Koler Biełarusi» ŭ Viciebsku. Na adkryćcio 18 krasavika ŭ 17.00 u Tvorčy centry VZAP (vuł. Kastryčnickaja, 2) zaprašajuć Latučy ŭniviersitet i hramadskaja kulturnickaja kampanija «Budźma biełarusami!».
Vystava «Koler Biełarusi» prajšła ŭ sakaviku ŭ Minsku, a ciapier vizualnuju častku svajho vialikaha daśledvańnia — abjekty-nośbity ŭlubionych koleraŭ biełaruskaj kulturnaj tradycyi — Michał Aniempadystaŭ pradstavić u Viciebsku.
«Ja ŭziaŭ sabie za metu napisać historyju temy koleraŭ, i ilustracyi, jakija pradstaŭleny na hetaj vystavie, buduć vykarystany pry vydańni majoj knihi.
Ja vyrašyŭ nie davać kamientaroŭ da zdymkaŭ, kab pakinuć hledačoŭ sam-nasam ź vizualnym šeraham hetaj vystavy. Dziela taho, kab prysutnyja mahli źviazać svaje adčuvańni koleraŭ z tymi ŭspaminami, jakija jość u kožnaha z nas.
Adčuć praz koler vizualnuju suviaź z hetymi abjektami i rečami, z emacyjnym nastrojem, jaki ja imknuŭsia pieradać na hetych vyjavach, strukturach.
Pra kožny z hetych koleraŭ možna napisać pa cełym ese ci brašury. Z hetym pahodzicca kožny, chto choča zrazumieć biełaruskuju kulturnuju tradycyju,» —
skazaŭ aŭtar u adnym ź intervju z nahody vystavy.
Jakija kolery składajuć palitru biełaruskaha asiarodździa? Čyje kałarystyčnyja trendy my pieraniali, i jak pieraasensavali? Što takoje uvohule «koler» i čamu jon fienomien kultury? Jakim čynam kolery farmujuć i ŭpłyvajuć na našu samaidentyčnaść?
Zaprašajem šukać adkazy na hetyja pytańni i spaznavać raznastajnaść koleraŭ našaj kultury, ich adcieńniaŭ i pryrodnych form razam z aŭtaram, mastakom i dyzajnieram Michałam Aniempadystavym.
Padčas adkryćcia vystavy 18 krasavika aŭtar praviadzie impravizavanuju ekskursiju.
Vystava budzie pracavać da 25 krasavika.
Uvachod volny.
Infalinija: +375259133876
Michał Aniempadystaŭ — kulturny dziejač, dyzajnier, hrafik, paet, aŭtar tekstaŭ i kancepcyi prajekta «Narodny Albom».
Vystava «Koler Biełarusi» u Viciebsku ładzicca ŭ miežach Mižnarodnaha prajekta pa raźvićci kulturnaj spadčyny CHOICE i hramadskaj kulturnickaj kampanii «Budźma biełarusami!»