Nie tolki Uład Bumaha: pieršy mižnarodny jutub-fiestyval paznajomić z zorkami videabłohinhu
18 červienia ŭ Minsku źbiarucca samyja krutyja błohiery z SND — mienavita tak śćviardžajuć arhanizatary pieršaha YouTube-fiestyvalu «Vidak».
Niadaŭna biełarusy daviedalisia pra toje, što chłopčyk ź internetu nakštałt Ułada Bumahi zdolny sabrać u adnym miescy niekalki tysiač fanataŭ-prychilnikaŭ, ale nasamreč takich, jak jon, daŭno ŭžo šmat. «Vidak» daje moładzi mahčymaść paznajomicca z novymi zorkami ŭžyvuju: na fiestyvali moža budzie pahutaryć sa Stasam Davydavym, Dźmitryjem Jermuzievičam, Julaj Hadunovaj, Pryjemnym Ildaram, LizzzTV i inšymi.
Chedłajniery festu.
U futbolnym maniežy taksama vystupić Andrej Martynienka — skandalny błohier z Ukrainy. Adzin ź jaho samych papularnych videaekśpierymientaŭ, dzie chłopiec svajoj śpiermaj apładniaje kurynaje jajka i vyroščvaje hamunkuła, pahladzieli bolš za 6 miljonaŭ čałaviek.
Akramia taho, u prahramie čakajucca adukacyjnyja lekcyi, vystupleńni śpiecyjalistaŭ youtube-śfiery, aŭtohraf-siesija, praca tematyčnych zon, fud-kort, a taksama kancertnaja prahrama z udziełam Dźmitryja Kaminskaha, L-Jane, Homie i chedłajniera — hurta «Chleb».
Nabyć kvitki na mierapryjemstva i daviedacca pra inšyja padrabiaznaści možna na aficyjnym sajcie.