Rasiejskija kampanii buduć imknucca da nabyćcia «Naftanu» i MAZu
Rasiejskija kampanii buduć imknucca nabyć kantrolnyja pakiety akcyj «Nafianu» i MAZu. Pra heta zajaviŭ pasoł Rasiei ŭ Biełarusi Alaksandar Surykaŭ na pres‑kanferencyi ŭ Miensku.
Rasiejskija kampanii buduć imknucca nabyć kantrolnyja pakiety akcyj «Nafianu» i MAZu. Pra heta zajaviŭ pasoł Rasiei ŭ Biełarusi Alaksandar Surykaŭ na pres‑kanferencyi ŭ Miensku.
«Rasiejskija kampanii zacikaŭlenyja ŭ tym, kab kantralavać jak minimum 51% akcyj hetych pradpryjemstvaŭ», — skazaŭ pasoł.Jon dadaŭ, što intares da «Naftanu» prajaŭlajuć rasiejskija kampanii «Łukojł» i «Rośniefť». Jany taksama zacikaŭlenyja ŭ nabyćci «Palimiru», jaki ź ciaham času moža być abjadnany z «Naftanam». «Chto prapanuje bolš vyhadnyja ŭmovy, bolš pryvabny biznes‑plan, toj i budzie pieramožcam», — adznačyŭ Alaksandar Surykaŭ.
Abiedźvie kampanii — i «Łukojł», i «Rośniefť» — całkam zakryjuć u vypadku nabyćcia «Naftanu» i «Palimiru» pytańnie z pastaŭkami paliva. Aproč hetaha, kampanii majuć vialiki dośvied na suśvietnych rynkach i takim čynam zmohuć pavysić kankurentazdolnaść pradukcyi biełaruskich pradpryjemstvaŭ.
«Što datyčyć MAZu, to tut taksama dva pretendenty: KamAZ i «Russkije mašiny», — paviedamiŭ pasoł Rasiei.
Pry hetym Alaksandar Surykaŭ padkreśliŭ, što nie vyklučaje mahčymaści pakupki dolaŭ nazvanych pradpryjemstvaŭ nie rasiejskimi, a druhimi zamiežnymi pradpryjemstvami.
BIEŁTA