Śviatłana Aleksijevič praviadzie sustreču z čytačami ŭ Homieli
Anansavanaja raniej sustreča Śviatłany Aleksijevič z hamielčukami adbudziecca ŭ subotu, 12 žniŭnia, na vulicy Paleskaj, 52.
«Pakolki ja abiacała takuju sustreču, to nie mahu zrabić inačaj. Pačuvaju siabie niabłaha, hatovaja da vandroŭki», — skazała Aleksijevič karespandentu Svabody.
U lipieni pryznačanaja sustreča nie adbyłasia z pryčyny niečakanaj chvaroby piśmieńnicy. Pierad hetym Aleksijevič znachodziłasia na Kapry, dzie była ŭhanaravanaja prestyžnaj mižnarodnaj premijaj i zaprošanaja na karotkaterminovy adpačynak. Pieramiena klimatu vyklikała zapaleńnie trajčastaha nervu, i zaplanavanyja pajezdki daviałosia adkłaści. Byli j kłopaty, źviazanyja z afarmleńniem vizy ŭ Vialikuju Brytaniju.
Sustreču ź ziemlakami ŭ Homli ładziać hramadzka-palityčny centar, rehijanalnyja filii Biełaruskaj asacyjacyi žurnalistaŭ i Sajuzu biełaruskich piśmieńnikaŭ.
Achvotnyja buduć mieć mahčymaść hladzieć onłajn-tranślacyju na sajcie Svabody, a taksama ŭ sacyjalnych sietkach dziakujučy vysiłkam homielskich błohieraŭ.