Idzie zbor srodkaŭ na adziny ŭ Biełarusi fiestyval dla samych maleńkich «Kazačny džem»
pałova prahramy — na biełaruskaj movie
Fiestyval teatra, čytańniaŭ i sumiesnaj tvorčaści dla siamji «Kazačny džem» pravodzicca ŭ Minsku z 2015 hoda. Sioleta jon zapłanavany na 21-26 vieraśnia, ale kab śviata atrymałasia maštabnym, arhanizataram patrebnaja padtrymka.
Zbor srodkaŭ na fiestyval ažyćciaŭlajecca na kraŭdfandynhavaj płatformie «Ulej». Na dadzieny momant udałosia sabrać usiaho 7 pracentaŭ ź nieabchodnych troch tysiač rubloŭ. Hrošy patrebnyja, kab zaprasić cikavyja teatralnyja kalektyvy, jakija buduć zabaŭlać ludziej na praciahu čatyroch dzion.
Pałova prahramy, tradycyjna, budzie biełaruskamoŭnaj: studyja «Varhin» (Minsk) paznajomić dzietak i ich baćkoŭ ź biełaruskim falkłoram, kožny fiestyvalny dzień upryhožyć śpiektakl na rodnaj movie ad «Lamcavaj batlejki» (Minsk), Nacyjanalnaha akademičnaha dramatyčnaha imia Jakuba Kołasa (Viciebsk) dy «Cybulkavaha» (Salihorsk) teatraŭ.
A voś jak prachodziŭ «Kazačny džem» u minułyja hady.
Majstar-kłas pa ahučcy dyjafilmaŭ i cieniavomu teatru.
Majstar-kłas Śviatłany Bień pa kardonnamu teatru.
Pradstaŭleńnie ad falkłornaj hrupy «Horyń».