U Kazachstanie chłopiec pieraadzieŭsia ŭ dziaŭčynu i dajšoŭ da finału nacyjanalnaha konkursu pryhažości FOTY
22-hadovy Iłaj Dziahileŭ dajšoŭ da finału žanočaha konkursu pryhažości, paśla čaho pryznaŭsia, što jon mužčyna.
Žychar Ałma-Aty Dziahileŭ pracuje madellu. Jon zrabiŭ žanočuju pryčosku, makijaž i dasłaŭ svaje foty dla ŭdziełu ŭ konkursie Miss Virtual Kazakhstan. Nazvaŭsia jon pry hetym Arynaj Alijevaj z Šymkienta.
Iłaj Dziahileŭ u vobrazie dziaŭčyny. Fota jon pieradaŭ ŚMI sam.
Usiaho ŭ konkursie brali ŭdzieł prykładna 4000 dziaŭčat. U finał prajšli tolki dziesiać, u tym liku Iłaj. Bolš za toje, jaho zdymki nabrali najbolš hałasoŭ.
Sam chłopiec kaža, što vyrašyŭ uziać udzieł u konkursie na sprečku ź siabrami.
Iłaj Dziahileŭ pracuje madellu.
Iłaj tłumačyć, što chacieŭ taksama źviarnuć uvahu na honku za štučnym charastvom, kali, kaža jon, mnohija dziaŭčaty adnatypnyja, usie na adzin kapył farbujucca i apranajucca. Jon z takim padychodam nie zhodny i ličyć, što pryhožaje ŭsio toje, što indyvidualna.