U sieradu ŭ TBM projdzie Ahulnanacyjanalnaja dyktoŭka, zaprašajucca ŭsie achvotnyja
Z nahody Mižnarodnaha dnia rodnaj movy, što adznačajecca 21 lutaha, sakrataryjat TBM pryniaŭ admysłovy zvarot. Pra heta paviedamiła ŭ svaim fejsbuku staršynia arhanizacyi Alena Anisim.
U hety dzień u siadzibie TBM (Minsk, vuł. Rumiancava, 13) Minskaja haradskaja arhanizacyja ładzić pieršy etap Ahulnanacyjanalnaj dyktoŭki. Pačatak — 18.45. Zaprašajucca ŭsie achvotnyja.
Taksama Alena Anisim apublikavała zvarot da hramadskaści. «Pa dobraj tradycyi ŭ mnohich ustanovach Biełarusi 21 lutaha projduć akcyi ŭ padtrymku biełaruskaj movy: Ahulnanacyjanalnaja dyktoŭka, sustrečy ź piśmieńnikami, prezientacyja tvoraŭ i knih na biełaruskaj movie, kancerty biełaruskich muzykaŭ. TBM prapanuje kožnamu dałučycca da hetych mierapryjemstvaŭ abo inicyjavać svajo dla taho, kab biełaruskaja mova tryvała ŭvajšła ŭ naša žyćcio», — adznačajecca ŭ zvarocie
«Śmialej i achvotniej karystajciesia biełaruskaj movaj u roznych žyćciovych situacyjach! My ćviorda pierakanany: štodzionnaje ŭžyvańnie spradviečnaj movy biełaruskaha narodu ŭzbahacić nas duchoŭna, napoŭnić tvorčym natchnieńniem i nadaść siły dla stvareńnia vydatnych umoŭ žyćcia ŭ našaj krainie. Pakul hučyć biełaruskaje słova — isnuje niezaležnaja biełaruskaja dziaržava, jakaja maje tysiačahadovuju historyju», — reziumujuć aŭtary zvarotu.