Novym staršynioj Hramady staŭ 35-hadovy palityk
35-hadovy mahiloviec Ihar Barysaŭ abrany staršynioj Biełaruskaj sacyjał-demakratyčnaj partyi (Hramada). U partyi jon uznačalvaŭ kryło, jakoje vystupała suprać zbližeńnia z kampanijaj «Havary praŭdu». Jon taksama viadomy svajoj pryncypovaściu i biełaruskim patryjatyzmam.
Novy staršynia byŭ abrany na 18-m źjeździe partyi 11 sakavika.
U Hramadzie staršynia moža zajmać svaju pasadu nie bolš za try terminy pa dva hady. Z 2012 hoda partyju ŭznačalvała Iryna Vieštard sa Smarhoni. Ihar Barysaŭ byŭ jaje namieśnikam.
Ihar Barysaŭ rodam z Mahilova. Jon maje dźvie vyšejšyja adukacyi — inžyniera-elektryka i palitołaha.
Pracuje mieniedžaram u pryvatnaj firmie. Doŭhi čas jon vioŭ niezaležny infarmacyjny partał «Naš Mahiloŭ». Śpiecsłužby na jaho cisnuli, zmušajučy admovicca ad palityčnaj dziejnaści, ale jon nie syšoŭ ni z partyi, ni ź niezaležnaha prafsajuza rabotnikaŭ radyjoelektronnaj pramysłovaści (REP), ni ź Biełaruskaj asacyjacyi žurnalistaŭ.