Hiendyrektar FK «Minsk» adkazaŭ Słučaku pa-rusku i pojdzie ŭ sud
Atrymaŭšy na svoj biełaruskamoŭny list ruskamoŭny adkaz za podpisam hienieralnaha dyrektara futbolnaha kłuba «Minsk» Ihara Šłojdy, Słučak źviarnuŭsia ŭ Administracyju Centralnaha rajona Minska. Juryst źviartaŭ uvahu, što heta naŭprostavaje parušeńnie zakona ab zvarotach hramadzian.
Ihar Šłojda. Fota by.tribuna.com
«Adkaznaja za spravavodstva ŭ FK «Minsk» asoba, admaŭlajučysia ad vykarystańnia biełaruskaj movy ŭ adkazie na biełaruskamoŭny zvarot, stvaraje pieraškody i abmiežavańni ŭ karystańni dziaržaŭnymi movami», — davodziŭ Ihar Słučak u zvarocie.
Dniami jon atrymaŭ adkaz z Administracyi Centralnaha rajona, dzie havorycca, što na Šłojdu skłali administracyjny pratakoł pa artykule 9.22 Kodeksa ab administracyjnych pravaparušeńniach i što materyjały ŭžo nakiravanyja ŭ sud.