Na prodaž vystaŭleny kultavy mahazin Minska — univiersam «Centralny»
Pradajecca za 10 miljonaŭ dalaraŭ.
Kampanija «NP-Servis» vystaviła na prodaž niekalki abjektaŭ, u tym liku univiersam «Centralny», raźmieščany ŭ samym centry Minska. Apublikavanaja na sajcie cana aktyvu — 9 miljonaŭ 833 tysiačy 800 dalaraŭ biez PDV.
Ahulnaja płošča abjekta — 2,8 tysiač mietraŭ, handlovaja płošča mahazina na druhim paviersie - 838 mietraŭ. Pradaviec adznačaje vyklučnaje raźmiaščeńnie abjekta - u dzień tut, u centry horada i na skryžavańni dźviuch linij mietro, prachodzić 60-70 tysiač čałaviek. Pobač - centr piešachodnaj aktyŭnaści horada, usie orhany dziaržkiravańnia.
Lehiendarny «Centralny» adkryŭsia ŭ 1977 hodzie. Kampanija «NP-Servis» Ivana Biarozaŭskaha kupiła kramu ŭ 2014-m hodzie.