26 červienia — prezientacyja knihi pra siłu voli
«Akademkniha» (pr.Niezaležnaści, 72). Pačatak a 18:00.
26-ha červienia adbudziecca prezientacyja «Siniaj knihi biełaruskaha ałkaholika PLUS» Antona Kułona.
Na imprezie aŭtar raspaviadzie pra knihu, praces jaje napisańnia i adkaža na pytańni čytačoŭ. Salist hurta «Recha» Andruś Takindanh praśpiavaje niekalki piesień, a krytyk Juraś Paciupa i litaratar Źmicier Višnioŭ padzielacca svaimi uražańniami ad knihi.
«Siniaja kniha biełaruskaha ałkaholika PLUS» — heta dapracavany varyjant knihi «Siniaja kniha biełaruskaha ałkaholika», jakaja vyjša ŭ 2012 hodzie i vyklikała rezanans jak u litaraturnych kołach, tak i ŭ kołach niepituščych ałkaholikaŭ i bolš taho — dziejnych.
U knizie raspaviadajecca pra pryhody amatara vypić i pra toje, jak hieroj knihi pierasprabavaŭ mnohija sposaby baraćby z ałkahalizmam i, narešcie, znajšoŭ svoj šlach. U knizie davoli imionaŭ lehiendarnych dziejačaŭ biełaruskaj kultury: Kima Chadziejeva, Michasia Stralcova, Mikoły Kapyłoviča i inšych.
Nabyć knihu možna budzie padčas imprezy ŭ «Akademknizie», a taksama na sajcie halijafy.by i ŭ kramie vydaviectva na Niamizie, 3 (cokalny pavierch, boks 47).