Usio ž pravilna kazać Hiedymin, a nie Hiedzimin
U Lidzie pastaviać pomnik Hiedyminu. Adnak na makiet trapiła imia «Hiedzimin». Ale niekatoryja fiłołahi i historyki aburylisia takim varyjantam napisańnia imieni vialikaha kniazia Litoŭskaha.
fota «Kultura»
Historyk i archieołah Alaksandr Kraŭcevič ŭ svaim fejsbuku patłumačyŭ, što forma imieni «Hiedzimin» vykarystoŭvajecca ŭ pracach Mikoły Jermałoviča, a bolšaść navukoŭcaŭ jaho dumku nie padtrymlivajuć.
My vyrašyli daviedacca, jakoj ža formaj imieni kniazia karystajucca ŭ Centry daśledvańniaŭ biełaruskaj kultury, movy i litaratury Nacyjanalnaj akademii navuk Biełarusi.
Volha Mitar, supracoŭnica centra, pryviała ŭ prykład varyjanty napisańnia imia Hiedymin u dvuch słoŭnikach.
Vyjaviłasia, što i ŭ Słoŭniku asabovych ułasnych imion 2011 hoda, i ŭ słoŭniku 2017 hodu ŭžyta forma Hiedymin. Na pomniku taksama budzie vykarystoŭvacca takoje napisańnie.
U padručnikach historyi dahetul pisali «Hiedzimin».