Naścia Rybka i Aleks Leśli pakinuli Tajłand
Biełaruskija seks-treniery Naścia Rybka i Aleks Leśli ŭ čaćvier dniom byli departavanyja z Tajłanda i vylecieli rehularnym avijarejsam u Maskvu, pieradaje RIA Naviny.
Razam ź imi ŭ Rasiju nakiravalisia piaciora rasijan i biełarusaŭ, jakija stali fihurantami spravy ab nielehalnym «seks-treninhu» ŭ kurortnym horadzie Patajia.
Paviedamlajecca, što palicejskija praviali ich na pašpartny kantrol. Niekalki žurnalistaŭ paśpieli zrabić zdymki fihurantaŭ spravy, ale sami jany admovilisia ad kantaktaŭ. U zonie vyletu biełarusaŭ i rasijan pravodzili da samalota, jaki vylecieŭ pa raskładzie.
Raniej Rybka raspaviała, što choča pracavać na telebačańni.