«Tufli-zabojcy». Jak nasić abcasy biez škody zdaroŭju, a nie z achviarami ŭ imia žanockaści
«Pryhažość patrabuje achviar» i inšyja stereatypy ab žanočaj pryvabnaści ŭ hałovach jak mužčyn, tak i žančyn, raźmiaścilisia hruntoŭna i ŭtulna. Ličycca, što žančyna na abcasie — heta seksualna i pryhoža, što joj zaŭsiody treba być na ŭsie «sto» (i ŭ doždž, i ŭ buru, i ŭ śpiakotu), a zdaroŭje i kamfort zastajucca ŭ hety čas za kulisami.
Biassprečna, na abcasie siłuet adrazu stanovicca bolš vyraznym, rost vyšejšy, chada — bolš elehantnaj, adnak heta dobra vyhladaje vyklučna zboku. Davajcie budziem sumlennymi i pryznajemsia, što taki efiektny vychad doraha nam kaštuje, tak jak za im staić hipiertonus u rajonie halonak, nyjučy bol i acioki.
Zdymajučy tufliki paśla vaśmihadzinnaha pracoŭnaha dnia abo prahułki, časam chočacca z palohkaj vyhuknuć: «O taaaaak!»
Fota: novaya.com.ua.
Viadoma, zredku takoje paciarpieć i možna, asabliva kali abcas darečny dla śvieckaha mierapryjemstva ŭ viačerniaj sukiency, ale, na žal, u pahoni za mužčynskaj uchvałaj i «na zajzdraść siabroŭkam» my, žančyny, časta hrebujem svaim samaadčuvańniem i nosim abcas ci ledź nie štodnia, absalutna nie zadumvajučysia, čym bahatyja niepryjemnyja adčuvańni ad elehantnaha vyhladu.
Što na samaj spravie adbyvajecca z nami, kali my nosim abcas?
Usia sprava ŭ tym, što abcas padymaje piatku i, adpaviedna, ssoŭvaje ŭvieś centr ciažaru na papiaročny zvod. Heta značyć, usia vaha našaha cieła, jakaja pavinna raŭnamierna raźmiarkoŭvacca na ŭsiu stupniu, pierachodzić tolki na nievialiki ŭčastak. Hienietyčna našy nohi nie stvorany dla hetaha. Luboje «niestandartnaje» stanovišča cieła budzie im ža adryńvacca i paciahnie za saboj niepryjemnyja nastupstvy ŭ vyhladzie traŭmaŭ i zachvorvańniaŭ.
Usio pačynajecca z noh
Fota: lifehacker.ru.
Zdavałasia b, nu dzie stravavalnaja abo močapałavaja sistema, a dzie abcasy!? Na samaj spravie, jany majuć pramuju ŭzajemasuviaź. Usia sprava ŭ źniaćci centra ciažaru, z-za jakoha prychodzicca niazvykła bałansavać i trymać raŭnavahu, a dla hetaha pastajanna nienaturalna prahinacca ŭ pajaśnicy i adchilacca nazad, pazvanki i tazavyja kostki pry hetym nabyvajuć niapravilnaje stanovišča. Jak śledstva: skryŭleńnie chrybietnika, kiły i pratruzii. Pakolki naš pazvanočnik — heta «stryžań», na jakim usio trymajecca, lubaja defarmacyja ŭpłyvaje na bližejšyja adździeły i prylehłyja orhany.
Praściej kažučy, kali pakutuje pajaśnica, to razam ź joj i nyrki, i kišačnik, i straŭnik, i repraduktyŭnyja orhany.
Žanočyja prablemy
Płoskastupniovaść — heta zachvorvańnie aporna-ruchalnaha aparata, pry jakim spłaščajecca i apuskajecca jaje padoŭžny i papiaročny zvod. I, jak ni dziŭna, nabytaj płoskastupniovaściu žančyny pakutujuć u 4 razy čaściej za mužčyn. Napeŭna, vy ŭžo zdahadalisia, što mienavita z-za abcasaŭ.
Fota: des.chinabrands.com.
Pry płoskastupniovaści
- źmianiajecca vyprava i maniera pierasoŭvacca, nohi, zavaročvajucca jak by ŭnutr, heta ciahnie za saboj paškodžańnie chrastka ŭnutry kalennaha sustava, vyklikaje ŭ im zapaleńnia i boli.
- źnižajecca armatyzujučaja, rysornaja rola stupni, jak vynik — unutranyja orhany stanoviacca ŭraźlivymi da skałynańniaŭ pry chadzie, biehu i skačkach.
- parušajecca krovazabieśpiačeńnie miakkich tkanak halonki i stupni, što vyklikaje ci paharšaje varykoznaje pašyreńnie vien.
- za košt niapravilnaj nahruzki na chrybietnik uźnikaje hipiertonus šyjnych ciahlic, ad čaho mozh pakutuje ad niedachopu kisłarodu. Jak śledstva — nas mučać hałaŭnyja boli, niedamahańnie, piermanientnaja stomlenaść i drymotnaść.
Usio nie tak, jak u Papiałuški
Zdajecca, kali b kazku pra Papiałušku pisali ščyra, hruntujučysia na realnaści, pryhažunia naŭrad ci b pahadziłasia ahalać nožku i pakazvać jaje pryncu. Pakolki abutak na abcasie vyklikaje takija vizualna niepryjemnyja nastupstvy, jak natoptyšy. Heta ščylnyja i hrubyja ŭčastki skury na padešvie stop, jakija ŭźnikajuć pad pastajannym ciskam i šmaravańniem.
Fota: film.ru.
Viadoma, nie tolki abcas usiamu vinoj sa svaim zrušeńniem centra ciažaru, takoje moža sustrakacca jašče i paśla našeńnia luboha niazručnaha zakrytaha abutku na płoskim chadu, pry harmanalnych parušeńniach i varykoznym pašyreńni vien.
Jak paźbiehnuć niepryjemnaściaŭ?
- Viadoma, plunuć na ŭsie stereatypy i vybirać toj abutak, jaki kamfortny. Ale kali zusim nie atrymlivajecca z-za patrabavańniaŭ na pracy i inšych abstavinaŭ, to varta zdymać tufli kožnyja dźvie hadziny, masažavać stupni abo rabić nievialikija karotkija himnastyčnyja praktykavańni dla palapšeńnia krovazvarotu ŭ stupniach.
- Čarhavać abcas z płoskim chodam. I kali raźmierkavać u płyni tydnia, to piaćdziasiat na piaćdziasiat.
- Paśla napružanaha dnia na abcasie, viečaram varta raścierci suchažylli ciahlic halonki, zrabić masaž stupniaŭ rukami ci masažoram.
- Adkazna pastavicca da vybaru abutku i kiravacca ŭ pieršuju čarhu nie estetyčnym składnikam, a tym, nakolki zručnaja kałodka i ci padychodzić vam pamier.
I ŭsio ž, kali žyćcio zdajecca niemahčymym biez abcasa, to lepš nasić nie vyšejšy za 5 santymietraŭ: mienavita takaja vyšynia ličycca biaśpiečnaj dla zdaroŭja.
Pamiatajecie: akramia vas samich, nichto vas lepš nie pabieraže!