Hałoŭnaja zorka francuzskaha futboła pakidaje kłub, jakomu addaŭ piać hadoŭ
marca.es
Forvard «Atletyka» Antuan Hryzman pakinie kamandu pa zaviaršeńni siezona. Madrydski kłub paćvierdziŭ sychod 28-hadovaha forvarda, piša sports.ru
Raniej paviedamlałasia, što francuz praciahnie karjeru ŭ «Barsiełonie». Z 1 lipienia adstupnyja ŭ kantrakcie futbalista z «Atletyka» skarociacca z 200 miljonaŭ jeŭra da 120 miljonaŭ.
«Heta byli vydatnyja piać hadoŭ, dziakuj vam za ŭsio, vy nazaŭždy ŭ maim sercy», — zajaviŭ Hryzman u zvarocie da zaŭziataraŭ «Atletyka».
Hryzman pierajšoŭ u «Atletyka» z «Reała Saśjedada» letam 2014 hodu pryblizna za 30 miljonaŭ jeŭra.
Usiaho jon pravioŭ za madrydskuju kamandu 256 matčaŭ va ŭsich turnirach i zabiŭ 133 hały.
U siezonie-2017/18 Antuan razam sa svaim kłubam vyjhraŭ Lihu Jeŭropy i Supierkubak UEFA, a ŭletku 2018 hoda razam sa zbornaj Francyi staŭ čempijonam śvietu.