Kot Łary, jaki žyvie ŭ rezidencyi premjera Brytanii, kateharyčna admoviŭsia iści na kantakt z Trampam FOTA
Kot Łary, jaki pražyvaje ŭ rezidencyi brytanskaha premjer-ministra na Daŭninh-stryt, 10, padčas vizitu prezidenta ZŠA Donalda Trampa vykazaŭ jamu niepavahu.
Kali prachodziła aficyjnaja cyrymonija fatahrafavańnia na hanku budynka, kot naziraŭ za tym, što adbyvajecca z boku — z akonnaha karniza, a potym schavaŭsia pad mašynu Trampa.
Paśla ŭ tvitary kata źjaviŭsia žartaŭlivy zapis z fatahrafijaj i archiŭnych fota z Barakam Abamam: papiaredniaha prezidentu Łary dazvoliŭ siabie pahładzić. Podpis pad fota abviaščała: «Ja svoj vybar zrabiŭ».
Łary słužyć hałoŭnym myšałovam u rezidencyi brytanskich premjeraŭ na Daŭninh-stryt, 10.
Łary trapiŭ na Daŭninh-stryt z łondanskaha prytułku dla žyvioł «Batersi». Pakolki rezidencyja kiraŭnika ŭrada raźmiaščajecca ŭ starym budynku, myšy i pacuki — tam pastajannaja prablema i pa tradycyi katy jość nieadjemnym atrybutam rezidencyi.
Łary staŭ adnym z samych viadomych katoŭ u śviecie. Niahledziačy na ŭvahu da svajoj piersony, jon dosyć spakojna stavicca da pradstaŭnikoŭ presy.
Łary pracavaŭ piać hod z Devidam Kemeranam i try hady z Terezaj Mej.