Na Paleśsi zakupačnyja ceny na kłubnicy ŭpali da 20 kapiejek. Ludzi vykidvajuć jahady prosta pad nohi
Łuninieččyna zavalena kłubnicami. Z-za adsutnaści zbytu ludzi vykidvajuć jahadu prosta ŭ pole, paviedamlaje Miedyja-Paleśsie
Navat pa 20 kapiejek ludzi pad viečar 11 červienia nie mahli zdać jahady — bočki zatarylisia i źjechali. Voś i viarnuli ziamli toje, što jana dała.
Suchuju bujnuju jahadu skupščyki brali pa 50 kapiejek, jašče i čaplalisia. Niekalki viodraŭ ludzi vysypali prosta na rynku, pad nohi skupščykam.
«Za dva viadry adbornaj jahady, adna ŭ adnu, ja atrymała 7 rubloŭ. Nie kaštuje jana pracy, kab navat vybrać, nie kažučy ŭžo pra toje, kab vyraścić», — skardzicca adna žančyna.
«Lahčej pad płot vykinuć. Albo chaj na kustach źnikaje», — paćviardžaje inšaja.
Trecija skardziacca na miascovuju ŭładu, jakaja nie padrychtavałasia tak, jak maje być, da siezona. Rynak — rynkam, ale, kab dać miascovym žycharam zarabić, stvaryŭšy choć by niejkuju kankurencyju dla dziaržzakupki, treba było pakłapacicca zahadzia. Dy i ciapier možna paśpieć choć niejak vypravić situacyju, dadaje Miedyja-Paleśsie.
Vykinutaja pad nohi jahada — heta svojeasablivy pratest. I hańba.