Byłaja pieršaja rakietka śvietu Karalina Vaźniacki vyjšła zamuž za byłoha hulca NBA Devida Li
Byłaja pieršaja rakietka śvietu Karalina Vaźniacki vyjšła zamuž, piša «Čiempionat». Vybrańnik dackaj tenisistki — były baskietbalist šerahu kłubaŭ NBA Devid Li, jaki zaviaršyŭ karjeru ŭ listapadzie 2017 hoda.
Dziavočnik byŭ na Bahamach.
Viasielle zhulali ŭ Italii, u adnym z raskošnych hatelaŭ Taskany. Siarod haściej byli tenisistki Sierena Uiljams i Anžalika Kierbier.
Karalina Vaźniacki znachodzicca ŭ siaredzinie druhoha dziasiatka rejtynh-lista. Pra toje, što jana i Li sustrakajucca, stała viadoma ŭ lutym. Raspavioŭ pra heta brat Karaliny, Patryk, jakomu jana paviedamiła hetuju navinu nieŭzabavie paśla Novaha hoda.
U adnym ź intervju jana raspaviała: «Ja b chacieła sustrakacca z vysokim chłopcam, kab chadzić na abcasach. Šukaju ščyraha čałavieka, ź jakim budzie pryjemna bavić čas. Hety mužčyna nie pavinien zanadta surjozna stavicca da samoha siabie».
Niezadoŭha da viasiella para padarožničała pa Polščy.