Šejman — pasoł pa asablivych daručeńniach
Narešcie prajaśniłasia, što z byłym kiraŭnikom Rady biaśpieki Viktaram Šejmanam.
Narešcie prajaśniłasia, što z byłym kiraŭnikom Rady biaśpieki Viktaram Šejmanam.Paśla zvalnieńnia z pasady ŭ lipieni pra Šejmana nie było ničoha čuvać. Adziny raz jon zaśviaciŭsia pierad fotakamieram padčas sustrečy ŭ aeraporcie «Minsk‑2» vieniesuelskaha lidera Uha Čaviesa.
U stalicy chadziła mnostva čutak pra dalejšy los adyjoznaha čynoŭnika. Niekatoryja kazali pra chatni aryšt, inšyja pra ŭcioki Šejmana z krainy.
Jak paviedamiŭ «Narodnaj voli» pres‑sakratar Rady biaśpieki Vikiencij Klučnik, Šejman pracuje na pasadzie pasła pa asobych daručeńniach. Rabočy kabiniet znachodzicca ŭ Administracyi prezidenta na Karła Marksa, 38.
Nahadajem, što Viktar Šejman źjaŭlajecca padazravanym pa spravie źniknieńnia apanientaŭ ułady. Za heta jon fihuruje ŭ śpisach nievyjaznych biełaruskich čynoŭnikaŭ u krainy Jeŭrasajuzu i ZŠA. Pasady staršyni Rady biaśpieki pazbaviŭsia paśla vybuchu ŭ Minsku na Dzień Respubliki. Na admysłovaj naradzie pa vybuchu Łukašenka zajaviŭ Šejmanu: «Vy vinavatyja».