Siłavyja struktury praciahvajuć kiravać krainaj
Viktara Šejmana, što syšoŭ u adstaŭku z pasady kiraŭnika Administracyi prezydenta na čas vybarčaj kampanii, źmianiŭ Hienadź Niavyhłas.
Viktara Šejmana, što syšoŭ u adstaŭku z pasady kiraŭnika Administracyi prezydenta na čas vybarčaj kampanii, źmianiŭ Hienadź Niavyhłas. Dahetul jon uznačalvaŭ Radu biaśpieki. Pazbaviŭsia pasady adyjozny namieśnik kiraŭnika administracyi, adkazny za idealahičny blok — Aleh Pralaskoŭski, «u suviazi ź pierachodam na inšuju pracu» (pa našych źviestkach — na dyplamatyčnuju). Pieršy namieśnik kiraŭnika administracyi ahraryj Alaksandar Papkoŭ ciapier prosta namieśnik. Na pasadu pieršaha namieśnika pryznačany Anatol Rubinaŭ, eks-staršynia Vyšejšaj atestacyjnaj kamisii — słavuty tym, što za časami jaho kiraŭnictva VAK faktyčna ŭvioŭ cenzuru dysertacyj.