U Novaj Ziełandyi znajšli pareštki hihanckaha papuhaja
Vyjava: Brian Choo, Flinders University
U Novaj Ziełandyi paleantałahi znajšli pareštki vielizarnaha staražytnaha papuhaja, jaki žyŭ 19 miljonaŭ hadoŭ tamu i byŭ vyšynioj amal mietr, piša bbc.com.
Vaha i pamier papuhaja śviedčać ab tym, što jon nie moh lotać i nie byŭ drapiežnikam u adroźnieńnie ad inšych ptušak tych časoŭ.
Ptuška važyła 7 kh. Paleantołahi nazvali rod papuhaja hierakłam (Heracles inexpectatus), kab padkreślić jaho pamiery i moc.
Vyjava: Paul Scofield, Canterbury Museum
Spačatku navukoŭcy ličyli, što kostki ptuški naležać arłu albo prodka kački. Jaho pareštki zachoŭvalisia 11 hadoŭ va ŭniviersitecie Fłandersa ŭ Aŭstralii, i tolki ŭ pačatku hetaha hoda adzin z studentaŭ vypadkova natyknuŭsia na ich u łabaratoryi.
Novaja Ziełandyja ličycca domam hihanckich vymierłych ptušak. Kaliści tut žyła samaja vialikaja ptuška novaha času - moa, vyšynia jakoj składała 3,6 mietra.