Dyzajnierka Hanna-Maryja Ehlit pradstaviła novuju kalekcyju adzieńnia ŭ kukuruznym poli FOTA
Kalekcyja nazyvajecca «Bierahinia».
Dyzajnierka Hanna-Maryja Ehlit.
«Ja syšła ad arnamientu ŭ hety raz i vykarystała biełaruskija kvietki — heta i vałoški, i ramonki, i maki, — raskazvaje Hanna-Maryja. — Zachaciełasia čahości naturalnaha i mistyčnaha. Rusałka — cikavy mifičny piersanaž. Kažuć, jany byli nastolki pryhožyja, što mužčyny stračvali rozum — heta vielmi padychodzić pad źniešni typaž biełarusak. Našy dziaŭčaty nadzvyčaj pryhožyja, i ja chacieła padkreślić heta».
Stroi pašyty ź lonu. Dyzajnierka vielmi rada, što dziaŭčaty narešce palubili hety materyjał i pierastali prasić zrabić takuju ž sukienku, tolku ź inšaj tkaniny.
«U mianie šmat klijentak biełarusak, jakija źjechali žyć u Amieryku, Jeŭropu. Taksama maje stroi lubiać dziaŭčaty z Ukrainy: kažuć, maje vyšyvanki bližejšyja im pa fasonie, čym ukrainskija, i vielmi kamfortnyja».
Adnoj z madelaŭ była «žančyna-mara» Barbara Huzarevič, jakaja zapisała rep pa-biełarusku.
Čytajcie: Takoha vy jašče nie bačyli! Caca zapisała rep pa-biełarusku i płača ad ščaścia, što pryjšła da hetaha
Pakaz adbyŭsia ŭ kukuruznym poli padčas Wow Show.