Rekord samaha doŭhaha ŭ historyi biespasadačnaha avijarejsu znoŭ pabili
Samalot aŭstralijskaj avijakampanii Qantas Airlines ździejśniŭ samy doŭhi ŭ historyi biespasadačny pieralot. Pra heta avijapieravozčyk paviedamiŭ na svaim aficyjnym sajcie.
Łajnier Boeing 787-9 Dreamliner vylecieŭ z Łondana ŭ Sidnej i prabyŭ u pavietry 19 hadzin 19 chvilin. Za hety čas 50 pasažyraŭ na borcie ŭbačyli dva ŭschody sonca — u Jeŭropie i Azii.
Kali daśledavańni pakažuć, što heta vyhadna i racyjanalna, to kampanija zapuścić takija avijałajniery z pasažyrami ŭ 2023 hodzie. Dva z zadumanych rejsaŭ kampanija ŭžo ździejśniła, treci płanujecca ŭ śniežni.
U kastryčniku Qantas ŭstanaviła rekord pa biespasadačnym avijarejsie ź Ńju-Jorka ŭ Sidnej. Łajnier prabyŭ u pavietry na 5 chvilin mienš — 19 hadzin 14 chvilin. Jon pieraadoleŭ 16 tysiač 309 kiłamietraŭ.