Spravu suprać «Viačerniaha Mahilova» zakryli. Sud pryznaŭ, što materyjały haziety — nie ekstremizm
Materyjały hazety «Viačerni Mahiloŭ», u jakich Ministerstva infarmacyi vyjaviła hamafobnyja vykazvańni, Leninski sud Mahilova nie pryznaŭ ekstremisckimi. Takoje rašeńnie vynies sudździa Alaksandar Buškievič, piša Radyjo Svaboda.
U svaim vyraku sudździa Buškievič paŭtaryŭ vyniki ekspertyzy, jakuju pravodziła na zvarot redakcyi hazety abłasnoje ŭpraŭleńnie Kamitetu sudovych ekspertyzaŭ.
18 śniežnia supracoŭniki apošniaha ŭ sudzie zajavili, što ŭ sprečnych publikacyjach vykazvańniaŭ pabudžalnaha charaktaru, jakija zaklikali da hvałtoŭnych dziejańniaŭ, niama. Takaja vysnova supiarečyła ćvierdžańniam ekspertnaj kamisii Ministerstva infarmacyi.
U sprečkach pradstaŭnik Leninskaha rajonnaha adździełu milicyi, jaki źviarnuŭsia ŭ sud z zajavaj na hazetu, padtrymaŭ pretenzii da jaje.
Milicyja moža abskardzić vyrak u abłasnym sudzie.