Pamočnik Trampa: Sulejmani rychtavaŭsia zabić vialikuju kolkaść amierykanskich dypłamataŭ i sałdat u najbližejšyja dni
flickr.com
Iranski hienierał Kasiem Sulejmani, jaki zahinuŭ u vyniku avijaŭdaru ZŠA ŭ Bahdadzie, rychtavaŭsia «zabić vialikuju kolkaść amierykanskich dypłamataŭ i sałdat u najbližejšyja dni». Pra heta sa spasyłkaj na raźviedźviestki ŭ efiry Fox News paviedamiŭ pamočnik prezidenta ZŠA pa nacbiaśpiecy Robiert O'Brajen, piša RBK.
Raniej pra toje, što Sulejmani znachodziŭsia ŭ Bahdadzie z metaj praviadzieńnia apieracyj, jakija «patencyjna mahli pryvieści da hibieli jašče bolšaj kolkaści amierykancaŭ», zajaviŭ dziaržsakratar ZŠA Majk Pampiea.
O'Brajen paćvierdziŭ pazicyju administracyi. Pavodle jaho słoŭ, Sulejmani padarožničaŭ u Damask, Biejrut i Bahdad, kab źviazacca ź ludźmi z metaj «napaści na amierykanskija abjekty, u jakich znachodzilisia dypłamaty, sałdaty, matrosy, lotčyki, marskija piechacincy, bierahavaja achova». Zabojstva hienierała było nieabchodna dla praduchileńnia iranskaj ahresii, śćviardžaje pamočnik prezidenta.