Ispanija ŭ samaj ciažkaj fazie epidemii. Iznoŭ 655 achviaraŭ za adzin dzień
Vystavačny centr u Madrydzie, pieratvorany ŭ palavy špital. Fota «El Pais».
655 čałaviek pamierła ŭ Ispanii za apošnija 24 hadziny. Ahulnaja ličba achviar pieravysiła 4000. Pakul śmiarotnaść nie spadaje. Štodzień u pierapoŭnienyja špitali krainy traplaje niekalki tysiač novych chvorych u ciažkim stanie.
Ispanija zapaźniłasia z uviadzieńniem karancinnych zachadaŭ, u vyniku zaraza paśpieła raspaŭsiudzicca šyroka.
Siarod tych, chto pieranosić zachvorvańnie ŭ ciažkaj formie, apynuŭsia i były ministr zamiežnych spraŭ krainy, były hienieralny sakratar NATA Chaŭjer Sałana. Jon špitalizavany ŭ Madrydzie, na jaki prypadaje prykładna pałova vypadkaŭ karanavirusa na Ibieryjskim paŭvostravie.