Sabčak raspaviała pra vialikuju kolkaść zorak rasijskaha šoŭ-biznesu, jakija zarazilisia karanavirusam ad Leščanki
Viadučaja Ksienija Sabčak raspaviała, što zaražany karanavirusam śpiavak Leŭ Leščanka byŭ na śviatkavańni dnia naradžeńnia siastry pradziusara Ihara Krutoha. Jak napisała žurnalistka ŭ svaim Telegram-kanale, z-za hetaha «ŭ tusoŭcy šoŭ-biznesu adbyŭsia pierapałoch», piša lenta.ru
«Usie pazaražalisia ad Leščanki na dni naradžeńnia siastry Krutoha», — adznačyła Sabčak. Pavodle jaje słoŭ, usim, chto znachodziŭsia na mierapryjemstvie, varta być bolš uvažlivym da svajho zdaroŭja i samaadčuvańnia.
Śćviardžajecca, što na hetym mierapryjemstvie prysutničaŭ i kampazitar Ihar Nikałajeŭ, jakoha špitalizavali 26 sakavika z padazreńniem na karanavirus u balnicu ŭ Kamunarcy, a taksama inšyja rasijskija zorki. Jak paviedamlaje Telegram-kanał «NieMałachaŭ», tam taksama byli śpievaki Aleh Hazmanaŭ, Valeryj Leonćjeŭ, Alaksandr Razienbaum, śpiavački Ani Łorak i Ałsu.
Pavodle Telegram-kanała «Tolki nikomu …», na dni naradžeńnia Ały Krutoj byli ŭ tym liku śpiavak Mikałaj Baskaŭ, śpiavak Alaksandr Siaroŭ, śpiavačka Iryna Alehrava, komik i śpiavak Alaksandr Reva, viadučaja Lera Kudraŭcava i byłaja fihurystka Taćciana Naŭka z mužam, pres-sakratarom prezidenta Rasii Dźmitryjem Piaskovym.
Paviedamlałasia taksama, što Leŭ Leščanka ŭdzielničaŭ u televizijnych zdymkach na fiederalnym kanale «Rasija 1» niezadoŭha da špitalizacyi z karanavirusam. Jon asabista prysutničaŭ u studyi pieradačy Andreja Małachava.