Karanavirus paćvierdziŭsia ŭ čałavieka, źviazanaha z pamierłym u Minsku inžynieram
Učora «Naša Niva» paviedamlała, što ad karanavirusa ŭ Minsku pamior 60-hadovy inžynier adnaho sa staličnych sakretnych pradpryjemstvaŭ. U jaho nie było chraničnych zachvorvańniaŭ.
Pra śmierć nam raskazali jaho svajaki.
Siońnia stała viadoma, što karanavirus vyjavili taksama ŭ siabra jaho dački. Pra heta jon paviedamiŭ u svaim telehram-kanale.
Što datyčyć śmierci taty, to hety čałaviek piša: «Otdielnoje SPASIBO chotim pieriedať doktoru, kotoryj obŝałsia s nami i davał nadieždu, vy očień chorošij čiełoviek!!! My cienim vaš trud i trud vsiech vašich kolleh, vam sił, tierpienija i zdorov́ja!»
Dačka pamierłaha raskazała, što vialikaja kolkaść daktaroŭ zaražanaja karanavirusam i tamu vybyła z pracy.
«Doktar kazaŭ, što ciapier ich na ŭsiu reanimacyju zastałosia try čałavieki, faktyčna, jany žyvuć tam», — raskazała «Našaj Nivie» dačka pamierłaha.
Doktar, pa słovach dački, «šmat prasiŭ prabačeńnia, što nie zmahli vyratavać».
Inžynier adčuŭ siabie kiepska 12 sakavika. 17-ha jaho zabrali ŭ 3-ju balnicu ź pnieŭmanijaj. U infiekcyjnuju jaho pieraviali 27 sakavika paśla paćviardžeńnia karanavirusa.
Ad 17-ha da 27-ha inžynier lažaŭ u pulmanałohii — nastolki doŭha adbyvałasia pracedura vyjaŭleńnia i paćviardžeńnia virusa.
Karanavirus paćvierdžany i ŭ siastry pamierłaha. Stan hetaj 68-hadovaj žančyny, pa słovach svajakoŭ, ciažki.