Što adbyvajecca z łuninieckimi siłavikami?
Niezrazumiełaja situacyja składvajecca ŭ Łunincy, dzie pa pakul nieviadomych pryčynach častkova paralizavanaja rabota rajonnych adździełaŭ prakuratury i Śledčaha kamiteta.
Łuniniec, fota Ekskursii.by
Pra heta ŭ svaim telehram-kanale paviedamlaje žurnalist Arciom Harbacevič sa spasyłkaj na ŭłasnyja krynicy.
Kryminalnyja spravy miascovaha RASK pieradajuć u Pinsk, niekalki śledčych na balničnym. Niešta padobnaje adbyvajecca i ŭ prakuratury — ź inšych haradoŭ vobłaści ludziej kamandzirujuć u Łuniniec, kab zamianić tych, chto vybyŭ.
U pres-słužbie Śledčaha kamiteta «Našaj Nivie» skazali, što adździaleńnie ŭ Łunincy nie zakrytaje i pracuje ŭ štatnym režymie, ale jany hatovyja paćvierdzić što «častka padraździaleńnia znachodzicca na balničnym».
Nieŭzabavie viedamstva abiacaje razhornuty kamientar. U prakuratury pakul što nie hatovyja prakamientavać situacyju i taksama prosiać času.
Brescki abłasny centr hihijeny, epidemijałohii i hramadskaha zdaroŭja paviedamiŭ, što ŭ Łunincy vyjaŭlena 17 stanoŭčych testaŭ na karanavirus.