MUS pra zatrymańnie Cichanoŭskaha: zaviedziena kryminalnaja sprava
Pres-słužba MUS prakamientavała ŭ svaim telehram-kanale ŭčorašniaje zatrymańnie ŭ Hrodnie kiraŭnika inicyjatyŭnaj hrupy Śviatłany Cichanoŭskaj Siarhieja Cichanoŭskaha i jaho paplečnikaŭ.
«29 maja ŭ Hrodnie na płoščy Savieckaj byli zatrymanyja asoby, u tym liku raniej sudzimyja, što nieadnarazova pryciahvalisia da administracyjnaj adkaznaści, jakija ŭžyli hvałt u dačynieńni da supracoŭnikaŭ milicyi Leninskaha RAUS z metaj pieraškodzić ich zakonnaj dziejnaści. Siarod zatrymanych homielski błohier Siarhiej Cichanoŭski. Dvaim milicyjantam naniesienyja cialesnyja paškodžańni roznaj stupieni ciažkaści, jany špitalizavanyja», — havorycca ŭ zajavie.
Śledčymi raspačata kryminalnaja sprava za hvałt u dačynieńni da supracoŭnikaŭ orhanaŭ unutranych spraŭ.