Biełaruski spartsmien zapisaŭ VIDEA pra toje, što «niekatoryja ludzi sprabujuć destabilizavać situacyju ŭ krainie»
Biełaruski viaślar kanoe, były deputat Pałaty pradstaŭnikoŭ i hanarovy hramadzianin Babrujska Alaksandr Bahdanovič źniaŭ i apublikavaŭ videa, dzie jon łović karasia ŭ baćkoŭ na pryrodzie.
Bahdanovič u videa zajaŭlaje, što vielmi rady stabilnaj situacyi ŭ Biełarusi.
«U nas dobraja adukacyja, maje dzieci mohuć atrymać hodnaje navučańnie», — skazaŭ Bahdanovič.
Jon taksama adznačyŭ zhurtavanaść biełaruskich miedykaŭ, a taksama ŭmovy, u jakich trenirujucca biełaruskija spartsmieny.
«Ale niekatorym ludziam heta ŭsio nie padabajecca, situacyju imknucca destabilizavać. Davajcie bolš pazityvu, radavacca žyćciu!» — skazaŭ viaślar.