Baskietbalist zbornaj: Alaksandr Ryhoravič, vy nie moj prezident
32-hadovy baskietbalist zbornaj Biełarusi i picierskaha «Spartaka» Mikita Mieščarakoŭ adreahavaŭ u instahramie na palityčnuju situacyju ŭ krainie.
Mikita Mieščarakoŭ, fota BiełTA.
«Hulnia biez praviłaŭ… Kandydataŭ sadžajuć za kraty, ludziam zatykajuć rot. Heta nie Biełaruś budučyni. Alaksandr Ryhoravič — vy nie moj prezident», — napisaŭ Mieščarakoŭ, prailustravaŭšy dopis zdymkam aryštavanaha Viktara Babaryki. Jaho post za niekalki hadzin sabraŭ amal 800 łajkaŭ.
Mikita Mieščarakoŭ — małodšy brat Jahora Mieščarakova, jaki piać razoŭ pryznavaŭsia najlepšym baskietbalistam Biełarusi (1998, 2000, 2001, 2008 i 2009).