Stała viadoma, kudy ŭładkavaŭsia na pracu były ministr infarmacyi Aleś Karlukievič
Były ministr infarmacyi Aleś Karlukievič straciŭ svaju pasadu 4 červienia 2020 hoda. Mienš čym praź miesiac jon atrymaŭ novaje pryznačeńnie.
Jak daviedałasia «Naša Niva», z 1 lipienia Aleś Karlukievič uznačalić časopis «Biełaruskaja dumka». Heta hramadska-palityčnaje vydańnie, zasnavalnikam jakoha ličycca Administracyja prezidenta, a vydaŭcom źjaŭlajecca BiełTA.
Fota Nadziei Bužan
Hałoŭnymi redaktarami časopisa byli Uładzimir Vialička (1991-2007), Vadzim Hihin (2007-2016), Alaksandr Samovič (2016-2017). Apošnim časam hałoŭnaha redaktara nie było, tolki pracavała namieśnica redaktara — Taćciana Šabłyka.
Aleś Karlukievič pracavaŭ u Ministerstvie infarmacyi z 2016 hoda (z 2017-ha — uznačaliŭ jaho). Dahetul byŭ hałoŭnym redaktaram Vydavieckaha doma «Źviazda».