Viadučy STB zvolniŭsia z kanała, raniej jon asudziŭ zatrymańni ludziej u stalicy
Viadučy STB Anton Martynienka napisaŭ u svaich sacsietkach, što bolš nie pracuje na telebačańni.
«Chaču padzialicca tym, što adbyvajecca ŭ maim žyćci apošni tydzień. Ad siońnia majo supracoŭnictva z telekanałam STB skončana. Na telekanale vielmi pieražyvajuć, što moj adychod niapravilna zrazumiejuć, tamu chaču ŭsich supakoić. Paśla dvuch papiarednich dopisaŭ u sacsietkach sa mnoj vielmi vietliva i vyklučna dobrazyčliva pahavaryli pra toje, što ciapier maja praca jak televiadučaha ŭ kadry źviedziena da minimumu. Mianie nie zvalniajuć, a pieravodziać u redaktarski adździeł (usio ŭ ramkach zakona, zrazumieła). Ja jašče bolš vietliva, čym mnie heta było prapanavana, admoviŭsia i napisaŭ zajavu pa ŭłasnym žadańni. Dziakuju ŭsim na telekanale, chto pieražyvaje nakont majho adychodu», — napisaŭ Martynienka.
Nahadajem, raniej Martynienka vykazvaŭsia ŭ svaich sacsietkach nakont zatrymańniaŭ kala kramy Symbal.by.