Eks-mera Dokšyc, jaki padstreliŭ biznesmiena, adpuścili — bo jon žyŭ na zabrudžanaj terytoryi
Kryminalnaja sprava ŭ dačynieńni da byłoha staršyni Dokšyckaha rajvykankama Aleha Pinčuka spyniena. Pra heta ŭ efiry prahramy «Pryčyny i śledstva» na «Radyjo-Minsk» raspaviała aficyjny pradstaŭnik Śledčaha kamiteta Julija Hančarova.
Aleh Pinčuk
Nahadajem, eks-kiraŭnik Dokšyc vypadkova zastreliŭ na palavańni 37-hadovaha biznesmiena.
Fihurantu vystavili abvinavačvańnie, ale sama kryminalnaja sprava spyniena na padstavie art. 1 i 2 zakona ab amnistyi. Padčas papiaredniaha rasśledavańnia było ŭstanoŭlena, što abvinavačany pražyvaŭ u zonie, jakaja była zabrudžanaja ŭ vyniku avaryi na Čarnobylskaj AES, i mieŭ adpaviedny status. Pavodle hetaha zakona, złačynstvy hetaj katehoryi padlahajuć spynieńniu i kryminalnaja sprava nie pieradajecca prakuroru dla nakiravańnia ŭ sud.