Dzivosnaje supadzieńnie: braty-prahramisty, zatrymanyja ŭ roznych miescach, sustrelisia ŭ adnym aŭtazaku FOTA
Alaksandr i Viktar u aŭtazaku. Fota z fejsbuka
«Z dvuch miljonaŭ minčukoŭ i dziasiatkaŭ tysiač pratestoŭcaŭ los skłaŭsia tak, što paśla zatrymańnia ŭ roznych miescach my całkam vypadkova apynulisia ŭ adnym aŭtazaku z rodnym bratam. It's a small world», — napisaŭ u fejsbuku prahramist Alaksandr Kuŭšynaŭ.
Kuŭšynava zatrymali ŭviečary 15 lipienia na płoščy Niezaležnaści, niedaloka ad Centravybarkama. Amapaŭcy źniali Alaksandra prosta z rovara.
Fota: Vadzim Zamiroŭski, tut.by
Alaksandr Kuŭšynaŭ — dyrektar Wialon, fłahmanskaha praduktu biełaruskaj IT-kampanii Gurtam, što na suśvietnym uzroŭni zajmajecca raspracoŭkaj prahramnaha zabieśpiačeńnia dla GPS-manitorynhu. Brat Alaksandra Viktar — taksama prahramist, kiraŭnik kampanii PandaDoc, zarehistravanaj u Kalifornii.
Učora niekalki tysiač čałaviek stali ŭ čarhu, kab padać skarhu ŭ Centravybarkam paśla nierehistracyi Viktara Babaryki kandydatam u prezidenty.