«Ja vypuskała chłuśniu doŭhija piać hadoŭ». Z ahienctva BiełTA zvolniłasia vykanaŭčy redaktar
Taćciana Piatručyk napisała ŭ svaim telehramie, što prymała hetaje rašeńnie niekalki miesiacaŭ tamu i źbirałasia sychodzić u inšy dziaržaŭny ŚMI. Ale prapracavaŭšy ŭ noč z 9 na 10 žniŭnia, jana vyrašyła całkam admovicca ad pracy ŭ dziaržSMI, paviedamlaje Radyjo Svaboda.
«Vypuskajučy «pravilnyja» naviny pad huki vybuchaŭ i abstrełaŭ, ja zrazumieła, što bolš nie mahu i sychodžu ŭ nikudy. U mianie bolš niama apraŭdańniaŭ i rezonaŭ, ja namahałasia siabie apraŭdać i vypuskała chłuśniu doŭhija piać hadoŭ i vielmi bajałasia. Ale moj strach narešcie skončyŭsia, dziakuju vam, maje, advažnyja biełarusy i biełaruski. Ja kajusia i baču śviet. Ja nia viedaju, što budzie dalej, ale ja ščyra płaču ad razumieńnia svajoj svabody, našaj svabody. Jak raniej, bolš nia budzie Biełaruś žyvie i žyvu narešcie ja».