Zvolnieny hałoŭny redaktar «Źviazdy» Pavieł Sucharukaŭ. Hazietu ŭznačaliŭ Aleś Karlukievič
Aleś Karlukievič. Fota Nadziei Bužan
Pavieł Sucharukaŭ, hałoŭny redaktar haziety «Źviazda» i Vydavieckaha doma «Źviazda», zvolnieny sa svajoj pasady. Na jaho miesca pryznačany Aleś Karlukievič, eks-ministr infarmacyi. Pra heta TUT.BY paviedamili žurnalisty vydańnia.
Nahadajem, što ŭ paniadziełak, 17 žniŭnia, kalektyŭ dziaržaŭnaj haziety «Źviazda» prapanavaŭ kiraŭnictvu sumlenna aśviatlać padziei, jakija adbyvajucca ŭ krainie paśla vybaraŭ. U adkaz u redakcyju pryjechaŭ spačatku ministr infarmacyi Ihar Łucki, paśla pradstaŭnica Administracyi prezidenta. Paźniej było zajaŭlena, što Paŭła Sucharukava buduć zvalniać.
«Źviazdoŭcy» vyrašyli baranić svajho redaktara i sabralisia na schod. Padčas schodu pazvaniŭ sam Pavieł Sucharukaŭ i paviedamiŭ, što jaho ŭsio ž nie zvalniajuć. Rašeńnie było skasavanaje.
Siońnia ž stała viadoma, što Sucharukaŭ zvolnieny.