Mitrapalit Pavieł pakinuŭ Biełaruś. Upieršyniu Biełaruskuju pravasłaŭnuju carkvu ŭznačaliŭ ekzarch-biełarus
Mitrapalit Vienijamin. Fota Sajuza pravasłaŭnych žurnalistaŭ.
Upieršyniu Biełaruskuju pravasłaŭnuju carkvu ŭznačaliŭ ekzarch-biełarus.
Heta jepiskap Barysaŭski i Marjinahorski Vienijamin, jaki maje reputacyju vielmi vierujučaha, malitoŭnaha čałavieka, askieta i «nieściažaciela».
Jak paviedamlajecca ŭ telehram-kanale carkoŭnaha dziejača Uładzimira Lehojdy, «Śviaty Sinod pryniaŭ prašeńnie Patryjaršaha ekzarcha ŭsioj Biełarusi, Mitrapalita Minskaha i Zasłaŭskaha Paŭła ab adstaŭcy i vykazaŭ jamu padziaku za paniesienyja pracy, Patryjaršym Ekzarcham usioj Biełarusi (kiraŭnikom BPC), Mitrapalitam Minskim i Zasłaŭskim pryznačany jepiskap Barysaŭski i Marjinhorski Vienijamin z zachavańniem za im časovaha ŭpraŭleńnia Barysaŭskaj jeparchijaj.
Mitrapalit Pavieł pryznačany kiraŭnikom Kubanskaj mitrapolii».