Redakcyi niedziaržaŭnych ŚMI i BAŽ zapatrabavali spynić cisk na presu i adklikać pazoŭ suprać Tut.by
1 kastryčnika Biełaruskaja asacyjacyja žurnalistaŭ i redakcyi niezaležnych miedyja vystupili z supolnaj zajavaj u suviazi ź ciskam na partał Tut.by i abmiežavańniem dostupu da niezaležnych sajtaŭ.
«Cisk na Tut.by i abmiežavańnie dostupu da niezaležnych sajtaŭ, jakoje taksama ažyćciaŭlałasia zhodna z rašeńniami Ministerstva infarmacyi, źjaŭlajucca hrubym parušeńniem svabody vykazvańnia dumki, jakuju harantuje Kanstytucyja Respubliki Biełaruś.
Pieraškody ŭ dziejnaści najbolš papularnych ŚMI ŭ Biełarusi nie tolki parušajuć svabodu žurnalisckaj dziejnaści, ale i abmiažoŭvajuć prava kožnaha na atrymańnie infarmacyi pra situacyju ŭ krainie, demanstrujuć pahardu da hramadzian krainy», — havorycca ŭ zajavie.
U joj BAŽ i redakcyi ŚMI
- zaklikajuć Ministerstva infarmacyi adklikać pazoŭ ab spynieńni vypusku sietkavaha vydańnia Tut.by i admianić rašeńnie ab prypynieńni jaho vypusku;
- patrabujuć admieny rašeńnia ab abmiežavańni dostupu da internet-resursaŭ, jakija aśviatlali sacyjalna-palityčnyja prablemy ŭ Biełarusi, a taksama admieny pieraškodaŭ u vypusku i raspaŭsiudzie niezaležnych drukavanych ŚMI;
- vystupajuć za nieadkładnaje spynieńnie pieraśledu žurnalistaŭ i ŚMI za ich prafiesijnuju dziejnaść i za biezumoŭnuju admienu niekanstytucyjnych abmiežavańniaŭ svabody słova ŭ Biełarusi.
Pad zajavaj padpisalisia:
- Biełaruskaja asacyjacyja žurnalistaŭ
- «Naša Niva»
- Tut.by
- Onliner.by
- CityDog.by
- BiełaPAN
- «Jeŭrapiejskaje radyjo dla Biełarusi»
- «Radyjo Svaboda»
- «BiełHazieta»
- «Svabodnyja naviny plus»
- «Ježiednievnik»
- «Novy Čas»
- REFORM.by
- «Salidarnaść»
- «Narodnaja vola»
- «Bresckaja hazieta»
- Realt.by
- Asacyjacyja vydaŭcoŭ rehijanalnaj presy «Abjadnanyja masmedyja»
Sumiesnaja zajava adkrytaja dla dałučeńnia redakcyj.