«Kryŭdna, ja byŭ suprać». Raźvioŭsia pretendent u prezidenty, lidar hurta Znich Aleś Tabolič
Alesia Hurskaja-Tabolič i lidar hurta Znich Aleś Tabolič raźvialisia. Para pražyła ŭ šlubie 10 hod.
Fota ź instahrama
Alesia — arhanizatarka Biełaruskaj intelektualnaj hulni i festyvalu «Kupalskaje koła». Jana raskazała «Našaj Nivie», što razvod — jaje inicyjatyva:
«Nie znajšli parazumieńnia. Kryzis nastupiŭ dzieści hod tamu», — koratka patłumačyła jana.
Aleś pryznajecca, što byŭ suprać razvodu.
«U niejkim sensie kryŭdna, ale heta jaje rašeńnie. Zachacieła svabody — niachaj. Kožny robić svoj vybar. Ale ludzi pavinny razumieć adno: siamja — samaje hałoŭnaje», — padzialiŭsia muzyka.
Pa jaho słovach, padstavaj dla aficyjnaha rasstavańnia stała toje, što jon nie źniaŭ žonku ŭ apošnim klipie hurta.
«Kazała: kali vypuścicie klip bieź mianie, padam na razvod», — zhadaŭ tuju razmovu Aleś.
Para haduje maleńkuju dačku.
Jak jany buduć žyć dalej, muzyka nie viedaje — u adnapakajovaj kvatery składana raźjechacca pa pakojach.