Zatrymanych žurnalistaŭ pačali vypuskać
U dačynieńni da ŭsich žurnalistaŭ, jakija znachodzilisia ŭ Kastryčnickim RUUS, pačali administracyjny praces, paviedamiŭ žurnalistam supracoŭnik pres-słužby HUUS Minharvykankama Raman Łaškievič. Pieršym z RUUS vyjšaŭ karespandent «Anłajniera» Alaksandr Uładyka. U jaho artykuł 23.4 — niepadparadkavańnie.
Siarod zatrymanych našy kalehi: Jahor Marcinovič, Irena Kaciałovič i Nadzieja Bužan. Jany pakul što zastajucca ŭ RUUS.
Usiaho siońnia zatrymali, jak minimum, 43 žurnalistaŭ, pryčym mnohich ź ich — navat da taho, jak jany pačali pracu.