Mininfarm zabłakavaŭ sajt Kyky.org
Sajt Kyky.org staŭ niedastupny dla niekatorych karystalnikaŭ. Pry sprobie zachodu na sajt jany bačać nastupnaje paviedamleńnie:
«Dostup da infarmacyjnaha resursu abmiežavany na padstavie rašeńnia Ministerstva infarmacyi Respubliki Biełaruś, pryniataha ŭ adpaviednaści z Zakonam Respubliki Biełaruś «Ab srodkach masavaj infarmacyi».
Redakcyja Kyky.org ŭ svaim telehram-kanale prakamientavała heta nastupnym čynam: «Heta ŭsio ž adbyłosia — choć i na niekalki miesiacaŭ paźniej, čym my dumali. Kyky zabłakavany na terytoryi Biełarusi pa rašeńni Mininfarma. My nie sumujem, bo viedajem: vy raźbirajeciesia ŭ VPNach i sučasnych trafikach lepš, čym dziaržaŭnyja ministerstvy — u błakavańniach. My praciahniem pracavać, chaj heta i chłopatnaje dzielca!»