Pryznačyli novaha kiraŭnika Mytnaha kamiteta
customs.gov.by
Uładzimir Arłoŭski pryznačany staršynioj Dziaržaŭnaha mytnaha kamiteta, adpaviednaje rašeńnie siońnia pryniaŭ Alaksandr Łukašenka, piša BiełTA.
Arłoŭski zajmaŭ pasadu pieršaha namieśnika staršyni. Miesca kiraŭnika ŭ DMK zastavałasia vakantnym bolš za miesiac z taho času, jak Juryj Siańko byŭ pryznačany pasłom u Kitai.
Pasadu staršyni DMK Alaksandr Łukašenka nazvaŭ adnoj ź vielmi važnych dla krainy. Tamu kandydaturu na hetaje miesca padbirali doŭha i skrupulozna. «Daŭno treba było pryznačyć kiraŭnika mytnaha kamiteta, ale tyja, chto ŭnosiŭ mnie kandydatury, nie mahli sfakusavacca na adnoj, dy i ja adkidaŭ usio. Skažu vam ščyra: i vašu kandydaturu ja pieršapačatkova adchiliŭ i zapatrabavaŭ, kab było ŭniesiena jašče niekalki. I potym paškadavaŭ, bo na mianie abrynułasia stolki kandydatur… Ja hetych ludziej, viadoma, viedaju, kaho bolš, kahości mienš. I ŭžo na trecim kole ja byŭ vymušany viarnucca da vašaj kandydatury», — raspavioŭ Łukašenka.
Jon nazvaŭ Uładzimira Arłoŭskaha surjoznym prafiesijanałam, najlepšym u mytnych orhanach. Mienavita heta, jak zajaviŭ Alaksandr Łukašenka, i akazałasia vyrašalnym faktaram pry pryznačeńni. «Vy čałaviek dziaržaŭny, i mnie nichto nie skazaŭ, što vy dzieści adstupili ad dziaržaŭnaj linii, a heta vielmi važna», - padkreśliŭ jon.