Sud nad žurnalistkaj Luboŭju Łuniovaj projdzie 28 śniežnia. Jana miarkuje, što Novy hod sustrenie na Akreścina
BAŽ
Sud nad žurnalistkaj Luboŭju Łuniovaj pryznačany na paniadziełak, 28 śniežnia a 10:00 (sud Savieckaha rajona), paviedamlaje BAŽ.
— Pieršy Novy hod, jaki budu sustrakać na Akreścina, — z sumam kanstatuje žurnalistka.
Luboŭ Łuniovu vinavaciać va ŭdziele ŭ niesankcyjanavanaj akcyi (art. 23.34 KoAP). Razam z apierataram Ivanam Kurakievičam žurnalistku zatrymali jašče 7 śniežnia padčas Maršu piensijanieraŭ, ale ŭ toj ža viečar z Akreścina jana trapiła ŭ balnicu, dzie prabyła dva tydni.
U suviazi z hetym sud niekalki raz pieranosili i ciapier kančatkova pryznačyli na paniadziełak za try dni da Novaha hoda.
Ivan Kurakievič ža adbyŭ 15-sutkavy aryšt.